لاہور میں دو لڑکیوں کے ساتھ اجتماعی زیادتی

                                

 لاہور : ڈیفنس تھانے کی حدود میں 2 لڑکیوں کو اجتماعی زیادتی کا نشانہ بنایا گیا ، پولیس نے ایک ملزم گرفتار کرکے مقدمہ درج کرلیا ہے۔

تفصیلات کے مطابق پنجاب کے دارلحکومت لاہور میں ایک اور اجتماعی زیادتی کا واقعہ پیش آیا ، جہاں ڈیفنس تھانے کی حدود میں ملزمان کی جانب سے 2 لڑکیوں سے اجتماعی زیادتی کی گئی۔پولیس نے ایک ملزم کو گرفتار کرکے مقدمہ درج کرلیا ہے جبکہ ملزم کیدیگر2 ساتھی فرارہوگئے۔

 3ملزمان نے زیادتی کے بعد3 موبائل اور 45ہزارچھینے، پکڑے گئے ملزم کی شناخت عابد کے نام سے ہوئی ہے۔ ڈیفنس مبینہ زیادتی کیس میں ملوث ایک ملزم کو گرفتار کرلیا ہے اور دیگر ملزمان کی گرفتاری کیلئے چھاپے جاری ہیں۔

وزیر اعلی پنجاب نے لاہور میں 2 لڑکیوں سے زیادتی کے واقعے کا نوٹس لیتے ہوئے سی سی پی او لاہور سے رپورٹ طلب کرلی، عثمان بزدار نے کہا متاثرہ لڑکیوں کو انصاف کی فراہمی یقینی بنائی جائے۔